Ons Personeel

Ons personeel bestaan in werklikheid uit ons totale beheerliggaam van twaalf lede, drie van die NG Kerk Noord, drie van die NG Kerk Oos en ses van die VGKSA Noord.  Ds  Thinus Grobler van  Noordoos-Pretoria gemeente is die voorsitter.  Hy dien op die SGF in sy hoedanigheid as Noordelike Sinode se voorsitter van die Diensgroep vir Getuienis.  Dr Gustav Claassen van Monumentpark-gemeente dien in sy hoedanigheid as voorsitter van die Diensgroep vir Gemeenskapsbetrokkenheid.  Die derde lid van Noordelike Sinode is dr Danie Jordaan van Ellisras-gemeente.   Ds Johan Koen van die gemeente Burgersfort is verteenwoordiger van Oostelike Sinode in sy hoedanigeid as Diensleier vir Getuienis.  Die ander lede van Oos is ds Johann Fourie in sy hoedangiheid as voorsitter van die CMR Gauteng-Oos, van Pretoria-Faerie Glen gemeente, en mev Cecile Petzer van die CMR Mpumalanga. Van die VGKSA Noord se kant dien dr SD Maluleke as saakgelastigde en direkteur van KAN (Kerklike Aksie Noodhulp) in daardie hoedanigheid op die SGF.   Ds Hudson Mathebula van die VGKSA Witbank-gemeente dien op die SGF in sy hoedanigheid as voorsiter van die VGKSA Noord se Bediening vir Diens en Getuienis (“Ministry for Service and Witness”), en ds Sipho Mokoena van Ohrigstad-gemeente, as sekretaris van die “Ministry for Service and Witness”.  Die ander lede van die VGKSA is ds David Legodi van Nylstroom-gemeente, ds Joseph Sekgogoba van Belfast-gemeente en ds Joseph Pejane van Irene-gemeente.  

Die voltydse personeel  bestaan slegs uit een persoon, wie se taak hoofsaaklik bestaan uit ‘n  netwerk-funksie en die fasilitering van samewerkingstrukture in die vorm van plaaslike getuienisforums, tussen die VGKSA Noordelike Sinode en die NG Kerk Noordelike- en Oostelike Sinodes.

Hierdie werk word in noue samewerking met dr SD Maluleke, die saakgelastigde van die VGKSA Noordelike Sinode en  direkteur van KAN, gedoen, asook in noue verband met die amptenare van die twee NG Sinodes. (sien die foto van dr Maluleke by die werksaamhede van die VGKSA Noordelike Sinode)

Ds Andries Louw

Ds Andries Louw is gebore in Kaapstad en het groot geword in Pretoria. Sy skooljare het hy In Durbanville Laerskool begin, voortgesit by Oost-Eind Laerskool, en gematrikuleer by die Afrikaanse Hoër Seunskool Pretoria. Hy het op Tukkies studeer en predikant geword. Hy het as gemeenteleraar in die volgende gemeentes gedien:  NG Sendinggemeente Vryburg, NG gemeente Sondagsriver-Suid, NG Gemeente Marble Hall, NG Gemeente Pretoria-Faerie Glen, en laastens in die NG Gemeente Valleisig.  Andries is getroud met Marie, adjunk-hoof by Hoërskool Garsfontein. Hulle het drie kinders, waarvan al drie in eie beroepe staan en twee getroud is. Daar is reeds twee kleinseuns in die familie.  In sy af tye hou Andries daarvan om te stap. Dit is die medisyne wat hy gebruik om sy kop skoon te kry en breinsake te oefen. Wanneer die tyd dit toelaat, speel hy graag ‘n potjie gholf.

Telefoon: (012) 991-1611 of 083-276-4476

Webtuiste:  getuienisforum.org.za

E-pos: anelouw@getuienisforum.org.za